PD-Mima: Rritja e çmimit të naftës nga qeveria, barrë e re mbi qytetarët

Partia Demokratike i kërkon qeverisë të mos rrisë taksën e qarkullimit, që do të rëndojë mbi industrinë dhe konsumatorët familjarë.

Deputeti i Partisë Demokraike, Florjon Mima, doli sot në një deklaratë për mediat, ku u shpreh se “sot një tjetër lajm i keq ka mbërritur, ai për rritjen e taksës së qarkullimit me 12 lekë për çdo litër karburant nga 1 janari 2015.”

Sipas deputetit Mima, ky lajm për shqiptarët është baraz me 80-90 milionë dollarë në vit, të cilat qeveria i merr direkt nga xhepat e çdo qytetari shqiptar, por shuma që do t’u merret atyre indirekt është disa herë më e madhe se e mësipërmja, duke rënduar në kostot e mallrave e shërbimeve që e kanë transportin element përbërës të tyre.

Partia Demokratike i kërkon qeverisë me zë të lartë “mos e bëje këtë rritje të rrezikshme të çmimit të karburanteve, te analizoje me kujdes situatën në të cilën ndodhet vendi dhe përvojat e vendeve  evropiane”, u shpreh Mima.