Përplasje me armë në Sauk, të rinjtë plumba njëri-tjetrit nga makinat
Në orët e para të mëngjesit të sotëm në zonën e Saukut në periferi të kryeqytetit janë dëgjuar të shtëna me armë. Sipas policisë, një grup të rinjsh janë përplasur me njëri-tjetrin duke përdorur armët.
Ngjarja raportohet të ketë ndodhur rreth orës 04:20 në hyrje të një klubi nate në Sauk, ku të rinjtë kishin kaluar mbrëmjen. Ata kanë qenë në makina, prej nga kanë qëlluar në drejtim të njëri-tjetrit, por fatmirësisht nga përplasja me armë nuk kanë mbetur persona të lënduar.
Policia e Tiranës ka gjetur 4 gëzhoja pistolete në vendngjarje, ndërsa deri më tani janë shoqëruar në komisarit dy të rinj me inicialet P.G dhe E.D, të cilët dyshohet se kanë qenë pjesë e konfliktit. Ata udhëtonin me një automjet tip “Mercedes Benz”
Blutë e kryeqytetit kanë nisur hetimet për të identifikuar dhe kapur autorët, dhe për të zbuluar motivet e kësaj përplasje. Ende nuk ka një njoftim zyrtar të policisë për ngjarjen në fjalë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.