Përse Gent Strazimiri mungoi në seancën e sotme plenare?

Një nga deputetët më të devotshëm të grupit parlamentar të PD-së për të bllokuar foltoren ka qenë deputeti Gent Strazimiri.

Por sot deputeti demokrat mungoi në seancë plenare, duke e lënë në “baltë” forcën e tij politike.

Mungesa e tij vjen pas fillimit të procedimit penal sepse në protestën e dhunshme për Parkun e Liqenit, ai u paraqit me pistoletë, ndonëse me ndryshimet në ligj atij nuk i lejohet të mbajë armë.

Deputeti Gent Strazimiri akuzohet për veprat penale “Organizimi dhe pjesëmarrja në grumbullime e manifestime të paligjshme”, “Shkatërrimi i pronës”, “Kundërshtim i punonjësit që kryen një detyrë shtetërore ose një shërbim publik”, “Prishja e qetësisë publike” dhe “Prodhim dhe mbajtja pa leje e armëve luftarake dhe e municionit”,parashikuar nga nenet 262, 150, 235, 274 dhe 278 të Kodit Penal.

Fillimisht Strazimiri e mohoi, por më pas e pranoi se ka mbajtur armë.