Peshëngritje/ Maida Lozi shpallet Kampione e Europës për të rinj

Sportistja e Ekipit Kombëtar, Maida Lozi, shpallet Kampione e Europës për të rinj në peshëngritje, duke i dhuruar Shqipërisë dy medalje ari dhe një medalje argjendi!

Në një garë me nivel dhe konkurrencë jashtëzakonisht të lartë, Maida zhvilloi një paraqitje të shkëlqyer, duke lënë pas të gjitha rivalet dhe duke u ngjitur me meritë në majën e podiumit europian.

Nën drejtimin e trajnerit të saj, Ervis Tabaku, dhe trajnerit të Ekipit Kombëtar për të rinj, Florenc Çela, Maida kurorëzoi me sukses punën, sakrificat dhe përkushtimin e saj të vazhdueshëm.

Ky triumf është një tjetër dëshmi e talentit dhe e së ardhmes së ndritur të peshëngritjes shqiptare.

Strategjia e Federatës Shqiptare të Peshëngritjes për mbështetjen e sportistëve të rinj dhe zëvendësimin e brezave po realizohet me sukses, duke garantuar vazhdimësinë e rezultateve të larta në arenën ndërkombëtare.