Plagosje me armë në banesën e kryeinspektorit të INUV

Një plagosje me armë zjarri ka ndodhur mbrëmjen e sotme në afërsi të Priskës. Dyshohet se në konflikt është përfshirë Florenc Hoxha, kryeinspektori i INUV në Tiranë dhe badigardi i tij.

I plagosur ka mbetur shtetasi Ibrahim Isufi. Por Hoxha në një deklaratë për shtypin ka mohuar se ka pasur të shtëna drejt banesës së tij.

Sipas Hoxhës gjithçka është një inskenim dhe nuk është qëlluar me armë nga banesa e tij. Ai ka shtuar se ka qenë i plagosuri që është konfliktuar me badigardin e tij pas një ofendimi që Isufi ka bërë në drejtim të familjes së Hoxhës.