Presidenti turk, Erdogan në vizitë zyrtare në Kabul

Presidenti turk, Recep Tayyip Erdogan, i cili zhvilloi sot një vizitë zyrtare në Kabul në kuadër të takimeve me homologun, Ashraf Ghani është një prej presidentëve të parë që viziton këtë vend që prej marrjes së funksionit nga presidenti afgan, theksuan burime nga dy qeveritarët.

Erdogan, gjatë kësaj vizite, do të takohet me homologun, Ghani në pallatin presidencial dhe do të marrë pjesë në një darkë zyrtare. Dy presidentët do të zhvillojnë gjithashtu një konferencë të përbashkët shtypi.

Presidenti turk, zgjedhur në muajin gusht, do të vizitojë kontigjentin turk që ndodhet në Afganistan. Një takim me shefin e ekzekutivit afgan, Abdullah Abdullah është parashikuar gjithashtu.

Ndërkohë do të zhvillohet dhe një takim tjetër me zëvendëspresidentin, Rashid Dostom, ish-shef i luftës dhe kreu i komunitetit uzbek në Afganistan, lidhjet e të cilit, veçanërisht gjuhësore dhe kulturore, me Turqinë janë të forta.

Presidenti turk bën pjesë në drejtuesit e parë të huaj që zhvillon një vizitë zyrtare në Afganistan që prej marrjes së presidencës nga Ghani më 29 shtator.