Projekti ambicioz, të shëtisësh mbi pemë dhe pa i prekur
Një shëtitje në zemër të pyllit, në mes të pemëve, i fshehur nëpër shtigje dhe shkurre. Quhet “Parkorman”, parku i jashtëzakonshëm i projektuar nga arkitektët e studios Dror, në Turqi. Parku ndodhet vetëm dy hapa larg Stambollit në Turqi.
Inxhinierët kanë prezantuar planin e ndërtimit të kësaj vepre të bukur publike, e projektuar si një rrjet i mundësive, një shëtitje të rrethuar nga natyra, por që respekton biodiversitetin e pyjeve.
Masterplani përfshin pesë zona, secila me karakteristika të ndryshme; katrore, një hapësirë të hapur në brendësi të parkut, diçka në formë harku, një shtrat të varur që lëkundet mbi pemë, pishinë dhe skena gjigande të frymëzuara nga tregjet turke: shtigje për këmbësorë, të karakterizuara nga forma gjarpëruese që gërshetohen; trampolina të mëdha dhe më në fund pylli, një labirint i populluar nga skulptura që lidhen me peizazhin; një burim i bërë nga kube të vogla që dërgojnë ujin në të katërt anët.
Në vend të krijimit të një rruge që kalon parkun, janë vizitorët ata që do të zgjedhin llojin e përvojës që do të marrin. Dhe gjëra të tilla ka shumë për të bërë: të ecësh pezull mbi pemë, në shtigje të gjata që kalojnë mbi parkun e madh apo të lëkunden mbi shtratin e varur. Bëhet fjalë për një lloj parku të lojërave oversize ( më e madhe se masa e zakonshme). 
“Ne kemi vendosur që të krijojmë një park që largon frikën dhe ankthin, që shpesh na shoqëron në një mjedis të panjohur. Kemi imagjinuar eksperiencën më të thellë nëpërmjet prekjeve të lehta. Një përpjekje që na dërgon në pyllin e harlisur por që e lë atë të paprekur”, thanë arkitektët e këtij projekti.
