Projekti për landfillin e Vlorës, Leli: Shumë shpejt investimi

Një nga punët e para të realizuara nga Bashkia e Vlorës me kryebashkiakun e ri ishte sistemimi i vendgrumbullimit të mbeturinave të qytetit dhe shuarja e zjarreve që shkaktonin ndotje alarmante në qytet.

Kryetari i ri i bashkisë, Dritan Leli zgjodhi pikërisht këtë vend për të folur në lidhje me projektin për ndërtimin e landfillit për qarkun bregdetar. Ai deklaroi se shumë shpejt do të nisë investimi për realizimin e këtij projektt.

Vendgrumbullimi i mbeturinave në Vlorë ishte kthyer në një pikë të ndotjes masive të ajrit të qytetit. Mbeturinat digjeshin vazhdimisht për të nxjerrë prej andej metalet. Zgjidhja përfundimtare është vetëm krijimi i një landfilli të ri, tha kryebashkiaku Leli.