Prokuroria kërkon 3 vjet burg për kryebashkiakun e Kamzës, Xhelal Mziu

Prokuroria e Tiranës kërkon sërish burg për Kryebashkiakun e Kamzës, Xhelal Mziu. Prokuroria kërkon 3 vite burg për Mziun me akuzën e shpërdorimit të detyrës dhe abuzime me tenderat e bashkisë.

Ndër të tjera Prokuroria kërkon që Mziut t’i hiqen edhe funksionet publike.

Kryebashkiaku i Kamzës, anëtar i Partisë Demokratike u arrestua edhe në dhjetor të vitit 2013 me akuzën e shpërdorimit të detyrës dhe moszbatimit të barazisë në tenderat e rrugëve, duke i shkaktuar dëm shtetit, prej 800 mijë dollarësh. Mziu u la i lirë më vonë me vendim të Gjykatës së Apelit.