Protesta në Unazën e Madhe, preken 300 banesa dhe biznese
Banorët e Unazës së Re protestuan ndaj projektit që parashikon shembjen e shtëpive dhe bizneseve në aksin nga Pallati me Shigjeta tek Sheshi Shqiponja.
Banorët thonë se para 5 ditësh janë bërë disa piketime nga ana e Autoritetit Shqiptar të Rrugëve. Ky segment është pjesë e Unazës së Madhe të Tiranës.
Gati një orë zgjati protesta e radhës së këtyre banorëve, ndërkohë që me ndërhyrjen e policisë trafiku ju rikthye normalitetit.
Ndërkohë kosto e ndërtimit të kësaj unaze do të jetë mbi 210 milionë euro dhe që sipas Drejtorit të përgjithshëm të rrugëve, projekti përfshin ndërtimin e të gjithë Unazës së Madhe të Tiranës edhe rehabilitin e plotë të segmentit të parë të hapur sheshi shqiponja pallati me shigjeta. Punimet do të zgjasin 2 vjet, ndërsa sfidë do të jetë menaxhimi i trafikut.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.