Protesta për unazën e re, Këshilltarët e PD bojkotojnë mbledhjen e Këshillit Bashkiak
Këshilltarët bashkiakë të Tiranës po bojkotojnë mbledhjen e Këshillit Bashkiak si një formë proteste, për të qenë përkrahë banorëve të Unazës së Re.
Kryetari i këshilltarëve demokratë Kreshnik Çollaku thotë se asnjë nga këshilltarët nuk do të jetë i pranishëm në sallë, për shkak të sjelljes së paprecedentë të kryetarit bashkisë së Tiranës, fyerjeve raciste dhe përçarëse ndaj banorëve dhe qytetarëve të Tiranës.
Këshilltarët i bashkohen deputetëve të opozitës të cilët do të jenë në krahë të banorëve të Unazës së Re, të cilët vijojnë protestën përpara Bashkisë së Tiranës, për dëmshpërblimin 100% të pronave të tyre në një projekt që sipas tyre po realizohet në favor të qeverisë dhe lidhjeve korruptive.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.