Protestë pa Vetëvendosjen, AAK dhe Nisma dalin në shesh

Nisma dhe Aleanca për Ardhmërinë e Kosovës kanë thërritur këtë të shtunë qytetarët e vendit në një protestë kundër qeverisë, ku dy janë kërkesat kryesore.

E para lidhet me demarkacionin me Malin e Zi, të cilin kreu i AAK-së, Ramush Haradinaj e ka kritikuar disa herë në publik.

Çështja e dytë për të cilën protestohet këtë të shtunë nga dy partitë opozitare është ajo që ka të bëjë me bisedimet me Serbinë dhe ngritjen e bashkësisë së komunave serbe.

Që të dyja këto çështje kundërshtohen fort nga opozita kosovare, por në këtë protestë bie në sy mungesa e Vetëvendosjes. I ftuar në Top Story të enjten, Haradinaj shpjegoi edhe arsyet e përçarjes së opozitës.

“Vazhdimi i kundërshtimit duhej të kishte vazhduar në rrugë paqësore,  por Vetëvendosja preferonte edhe metoda radikale apo disi më të ashpra”, tha ai.