Pukë, shpërthim tritoli pranë HEC-it të Gjegjanit

Një shpërthim tritoli ka ndodhur gjatë natës pranë HEC-it të fshatit Gjegjan, në Pukë. Shpërthimi ka ndodhur rreth orës 02:30 të mëngjesit. Dyshohet se dy persona kanë lidhur rojen e objektit rreth 600 metër larg dhe më pas i kanë vendosur tritolin hidrocentralit. Shkak i shpërthimit në HEC dyshohet një konflikt i drejtuesve të hidrocentralit me banorët e zonës për ujin.   Nga ky shpërthim janë shkaktuar vetëm dëme materiale, nuk ka të lënduar. Policia ndodhet në vendin e ngjarjes dhe kanë nisur hetimet.