Putin: Gati të mbështesim një armëpushim të menjëhershëm në Ukrainën Lindore

Presidenti rus, Vladimir Putin është i gatshëm për të mbështëtur një armëpushim në Ukrainën Lindore, deklaroi ministrja e Jashtme italiane, Federica Mogherini pas bisedimeve në Kremlin me zyrtarët më të lartë rusë. ”Putini më shprehu gatishmërinë e tij maksimale për një armëpushim të menjëhershëm, dypalësh dhe të pakushtëzuar”, deklaroi Mogherini. Në lindje të Ukrainës janë vrarë deri tani rreth 1 000 persona në përleshjet e armatosura mes Kievit dhe kryengritësve prorusë që nga muaji prill.