Putin nënshkruan dekretin për të marrë kontrollin e përkohshëm mbi asetet e huaja në Rusi

Sipas udhëheqësit rus, Moska duhej të merrte masa urgjente për t’iu përgjigjur veprimeve të paspecifikuara nga SHBA dhe vende të tjera që tha se ishin “jomiqësore dhe në kundërshtim me të drejtën ndërkombëtare”.

Dekreti deklaron se menaxhimi i përkohshëm i aseteve mund të anulohet vetëm nëse Presidenti Putin vendos ta bëjë këtë. Asetet janë vendosur nën kontrollin e përkohshëm të agjencisë federale të pronave të qeverisë, Rosimushchestvo, e cila tha: “Dekreti nuk ka të bëjë me çështjet e pronësisë dhe nuk i privon pronarët nga pasuritë e tyre.” 

“Menaxhimi i jashtëm është i përkohshëm në natyrë dhe do të thotë se pronari fillestar nuk ka më të drejtë të marrë vendime menaxheriale”– thanë ata.

Tetorin e kaluar, Charles Michel, presidenti i Këshillit Evropian, tha se BE-ja po shikonte përdorimin e aseteve ruse të ngrira nën sanksionet kundër Moskës për të rindërtuar Ukrainën.

Sekretarja e Thesarit e SHBA-së, Janet Yellen tha se kishte “pengesa të rëndësishme ligjore” për konfiskimin e këtyre aseteve të mëdha të ngrira.