Rama: Bulqiza jo më shpellë për grabitësit
-Punësimi për qytetin verior të Burrelit tashmë është realitet, fal një investimi prej 15 mln USD dhe me rrogë mesatare 600 USD në muaj.
Kryeministri Edi Rama nëpërmjet një postimi në rrjetet sociale bën të ditur se ka nisur punën në uzinën e ferro-kromit në rrethin e Matit, në Burrelin e lënë në harresë prej disa vitësh.
“Kënaqesi e madhe për fillimin e përpunimit të kromit në Burrel. 15mlnUSD investim. Potencial punësimi 600 vende të reja. Rrogat 600 USD #Rilindje”, shkruan Kryeministri Edi Rama teksa po inspekton punimet infrastrukturore në Bulqizë dhe Burrel.
Uzina e ferro-kromit në Burrel, tashmë është një potencial ekonomik për banorët e kësaj zone falë mbështetjes së qeverisë.
Në vijim të vizitës së tij në Qarkun e Dibrës, Kryeministri Edi Rama, është ndalur në qytetin e Bulqizës ku një tjetër investim prej 25 mln USD, ka marrë jetë.
Kryeministri Rama nëpërmjet rrjetit social, pohon se viti 2015, do të jetë viti i investimeve në qarkun e Dibrës, kryesisht në krom dhe infrastrukturë për rritjen e numrit të të punësuarve dhe përmirësimin e jetës të banorve të Bulqizës.
“Në Bulqizë investim i ri në krom 25 mln USD dhe transformim urban që do të preket edhe me shumë në 2015. Bulqiza jo më shpellë për grabitësit!”, shkruan Kryeministri Edi Rama.
