Rama – Çmimi i naftës: E vetmja gjë që qeveria paraardhëse ka bërë mirë

Kreu i qeverisë ka folur edhe për çmimin e naftës, që konsiderohet i lartë për vendin tonë, gjë që sipas tij është e vetmja gjë e mirë që ka lënë qeveria paraardhëse. “Jepini fund bërjes jehonë të këtij abuzimi të madh. Shqipëria është i vetmi vend në rajon që në çmimin e naftës ka brenda edhe taksën e qarkullimit të automjeteve. Nëse bashkojmë çmimin aktual të naftës në Maqedoni apo në Serbi, apo në Mal të Zi, me taksën që çdo posedues automjeti paguan për mjetin e tij do të shikoni që del më shtrenjtë. Nuk e kemi bashkuar ne, çmimin e naftës me taksën e qarkullimit, e ka bashkuar qeveria e mëparshme dhe është nga shumë pak gjërat që mua më duket që e ka bërë mirë”, tha Rama.