Rama i pakënaqur me deputetët e tij, i paralajmëron me zgjedhje të parakohshme

Në mbledhjen e grupit të Partisë Socialiste, kryesocialisti Edi Rama ka shprehur pakënaqësinë ndaj deputetëve të tij.

Nga sa ka arritur të mësojë brenda mbledhjes gazetarja e A2 CNN, Fjorela Beleshi, Rama u ka kërkuar të tijve që të jenë më aktivë.

Madje, edhe i paralajmëruar se nëse nuk angazhohen, përfshirë këtu të jenë prezentë në komisione dhe parlament, mund t’i çojë edhe në zgjedhje të parakohshme.

E gjitha kjo ka ardhur për shkak të numrit të vogël të deputetëve që ishin prezentë në mbledhje. Kjo nuk është pritur mirë nga kreu i qeverisë, i cili ka qenë shumë i ashpër me to, ku nuk ka nguruar që t’u tërheqë veshin, pasi sipas tij socialistët nuk marrin pjesë në Komisionet parlamentare online apo edhe ikin nga seanca parlementare pa pritur fundin.