Rama i përgjigjet senatorit Bernie Sanders: Shqipëria nuk është argument për politikën amerikane

Kryeministri Edi Rama ka reaguar në rrjetet sociale ndaj një komenti të bërë nga senatori demokrat amerikan Bernie Sanders, i cili kishte shkruar në X se në Shqipëri kanë dalë në rrugë mbi 100 mijë njerëz kundër një resorti luksoz, katastrofik për mjedisin, të planifikuar nga dhëndri i Trump.

Por Rama thotë se kanë qenë më pak se 10 mijë njerëz dhe se Shqipëria është një vend, jo një rresht në debatin politik amerikan.

Rama shprehet se ende nuk ka një projekt të miratuar, asnjë leje ndërtimi dhe asnjë dizajn përfundimtar. Sipas Ramës, mosmarrëveshjet janë legjitime, shqyrtimi mjedisor është i mirëpritur, pasi kështu duhet të funksionojnë demokracitë.

“Shpallja e diçkaje si katastrofë mjedisore para se të ekzistojë është diçka krejtësisht tjetër”, shkruan ndër të tjera Rama.

Tv Klan

/tvklan.al