Rama: Jemi vendi i parë në Europë që ndërmori masat që me të prekurin e parë me COVID-19

Kryeministri Edi Rama theksoi sot se nuk ka ndryshuar asnjë qëndrim në deklaratat e tij publike, lidhur me situatën e krijuar nga COVID-19.

“Unë nuk kam ndryshuar asnjë qëndrim. Në 19 shkurt është bërë takimi i parë i Këshillit të Sigurisë në qeveri për COVID-19 dhe janë bërë dy mbledhje përgatitore. Ajo që unë kam thënë në fillim është ajo që është dashur të thuhet në fillim. Ne jemi i pari vend në Europë që kemi shpallur masat kur është shfaqur rasti i parë. Nuk ka qenë dhe nuk është një murtajë e mesjetës, por nëse nuk do respektojmë masat mund të kthehet në një problem shumë të madh. Nuk ka asnjë mungesë koherence në strategjinë e komunikimit”, tha Kryeministri.

Rama tha se “jam përpjekur të sensibilizoj publikun në kushtet e karantinës së përgjithshme duke sjellë fakte nga realitetet e vendeve të tjera dhe jo duke treguar lajme të rreme, por thjesht dhe vetëm duke publikuar në disa raste fakte nga media të mëdha ndërkombëtare”.