Rama: Ka rritje ekonomike, por nuk mund të bëjmë magji

Kryeministri Edi Rama, gjatë turit të Partisë Socialiste “Të pastrojmë më tej Shqipërinë”, deklaroi nga Durrësi se ekonomia shqiptare ka rritje, por jo në ato nivele sa të ndihet në çdo familje.

“Ka rritje, por nuk ndihet siç duhet. Nuk mund të bëjmë magji, por vetëm mund të vazhdojmë operacionin dhe me kurajo e durim të shkojmë drejt të gjitha etapave”, tha Rama.

Në lidhje me reformën në arsim, kreu i qeverisë nënvizoi se edhe ata që sot nuk janë të bindur për të, “do ia shohin hajrin”.

Ndërsa ministri i Brendshëm, Saimir Tahiri, vuri theksin te vjedhja e energjisë: “Në Shqipëri po bëhej vjedhja më e madhe e regjistruar ndonjëherë, ajo e energjisë elektrike. Sot, buxheti i shtetit shpenzon 3 herë më pak për të blerë energjinë dhe këto para’ shkojnë në investime për shkolla”.

Ministri i Brendshëm shtoi se populli e dha votën në mënyrë që qeveria të luftonte krimin, korrupsionin dhe të vinte drejtësi.

“Na zgjodhën për të luftuar krimin dhe korrupsionin. Gjithashtu, për të shkallmuar padrejtësinë në sistemin gjyqësor. Vota e 23 qershorit ishte besim dhe nxitje për ta bërë Shqipërinë një vend më të drejtë”, tha Tahiri.