Rama: Mbi 8000 kandidatë për mësues në testim kombëtar

Kryeministri Edi Rama ka shënjestruar ditën e sotme korrupsionin me arsimin dhe e ka konsideruar si një beteje për ta fituar atë, duke organizuar testimin kombëtar për mësuesit si mundësine për një konkurencë të lirë në bazë të meritës dhe mundësi për t’i ofruar mësimdhënies më të mirët në përgatitjen profesionale.

Kryeministri Rama nëpërmjet një postimi në rrjetin social çeli ditën sot me reformën e madhe të arsimit, duke vënë në garë të lirë dijen për të fituar ai që e meriton.

“Dite e shënuar në luftën kundër korrupsionit dhe betejen për konkurencen e lirë e meritën; Mbi 8000 kandidatë për mësues në testim kombëtar!”, shkruan kryeministri Edi Rama.

Po ashtu, Rama shton në një postim të mëvonshëm se “Marrin fund emërimet e mësuesve me rryshfete! Permes testimit të sotëm do zevendësohen 2765 mësuesit pa diplome a jashtë profilit ‪#‎Rilindje”.‬