Rama nga Shkodra: S’ka filxhan që e përmbys fatin e zgjedhjeve!
Kryeministri Rama nga Shkodra në kuadër të turit “Bashkia që duam” ka folur për situatën politike në vend, si braktisja e parlamentit nga opozita dhe protestat.
Dy vjet si sot e kisha Lulin poshtë penxheres te puna, në çadër. E gjithë historia ishte nuk futemi në zgjedhje, s’duam Edi ramën, donin republikën e re. Si përfundim u dorëzuan të gjithë edhe amerikanët, vetëm unë jo. Iu luta Lulit, sa nuk i jam lutur njeriu në jetën time, sa ai mori gjithçka donte.
Edhe i thashë të shkojmë në zgjedhje kush humb, e kush fiton. Ramë dakord, u bënë zgjedhjet, të qeta. Faji im është që demokratët erdhën te unë?
Tani sa vijnë zgjedhjet prapë, filloi prapë.
Pse këtë punë kam unë? Tani është bërë bashkë dhe me fallxhoren, edhe bëjnë përpara. Beson atë, ça t’i them unë asaj, e ka parë në filxhan ajo që do ketë zgjedhje të parakohshme.
Por zgjedhjet janë në 30 qershor, ata nuk u regjistruan, të bëjnë si të duan. Por ne do e marrim bashkinë e Shkodrës. S’ka filxhan që e përmbys fatin e zgjedhjeve që e vendos populli me votën e vetë. Nuk ka!”, tha Rama.
