Rama reagon pas padisë në SPAK për librin “Albanian Files”: Provë krimi 35 vjet pas rënies së komunizmit

Kryeministri Edi Rama ka reaguar pasi protestuesit dorëzuan në SPAK librin “Albanian Files” të cilin e konsiderojnë si provë kundër kreut të qeverisë.

Përmes një shënimi në ironik rrjetet sociale Rama e cilëson “Albanian Files” si libri i mallkuar, që do trajtohet si provë krimi 35 vjet pas rënies së komunizmit.

“LIBRI I MALLKUAR së shpejti në “Adrion”, pasi sapo hyri sot në histori si i pari libër, që trajtohet si provë krimi 80 vjet pas rënies së nazizmit dhe 35 vjet pas rënies së komunizmit”, shkruan Rama në rrjetet sociale.

Dy ditë më parë duke folur në lidhje me librin që përmban projekte që synohen të ndërtohen në Shqipëri, kryeministri Edi Rama theksoi se nuk është autor, por vetëm ka shkruajtur parathënien e tij. Po ashtu Rama është shprehur se kemi të bëjmë me një tekst auto-ironik, ku nuk ka deklarata politike.