Rama takohet me kryeministrin e Luksemburgut: Nga marsi 2027, fluturime direkte me Shqipërinë

Në prag të konferencës ndërqeveritare, kryeministri Edi Rama ka zhvilluar një takim me kryeministrin e Luksemburgut, Luc Frieden, ku në fokus kanë qenë marrëdhëniet dypalëshe dhe rrugëtimi europian i Shqipërisë.

Përmes një postimi në rrjetet sociale, Rama bëri të ditur se nga muaji mars i vitit 2027, Luksemburgu do të ketë fluturim direkt me Shqipërinë, përmes kompanisë ajrore kombëtare Luxair.

“Me kryeministrin Luc Frieden, për marrëdhëniet dypalëshe dhe rrugëtimin europian të Shqipërisë. Nga marsi edhe Luksemburgu do të ketë fluturimin direkt me Shqipërinë, përmes kompanisë së flamurit Luxair”, shkruan Rama.

Ndërkohë, sot në Luksemburg pritet të mbahet konferenca e radhës ndërqeveritare për mbylljen e bisedimeve për kapitullin 20, “Ndërmarrjet dhe Politikat Industriale”.