Raporti i KE-së, Tahiri: Shqipëria doli nga harta e origjinës së drogës
Raporti i progresit i KE-së vlerësoi arritjet e Shqipërisë në fushën e sigurisë, u shpreh ministri i Brendshëm Saimir Tahiri, në një konferencë për shtyp.
Ai tha se Shqipëria doli nga harta e origjinës së drogës, duke theksuar se në 2015 është kultivuar tetë herë më pak drogë se në 2013. Por ministri kërkoi edhe mbështetjen e opozitës në inkurajimin e policisë në luftën kundër paligjshmërisë.
“Opozita dhe cilido të mbështesë policinë e shtetit në përpjekjen tonë të përbashkët për ta bërë Shqipërinë më të sigurtë, duke qënë të vetëdijshëm se suksesi nuk është sukes ekskluziv i ministrit, i qeverisë, por është sukses i përbashkët i shoqërisë dhe si të tillë jemi të gatshëm ta përdorim si inkurajimin më të nevojshëm të përbashkët, për të bërë gjithçka është e mundur që policia të vijojë luftën kundër paligjshmërisë”, tha Tahiri.
Lufta kundër korrupsionit tha ministri Tahiri është prioritet i Shqipërisë. Ai theksoi se personat me precedent nuk duhet të kenë zë në vendimmarrje, si në ekonomi, politikë etj.
