Reforma në drejtësi: Paga duke nisur nga 1500 euro, shtesë çdo 4 vjet dhe për çdo fëmijë

Përpos të tjerave, drafti i Reformës në Drejtësi parashikon edhe formulën pagave të njerëzve të drejtësisë, kriteret e përcaktimit të pagës sipas vjetërsisë dhe hierarkisë, masën e rritjes së pensionit shtetëror suplementar, strehimin, shpërblimet si dhe shumë përfitime të tjera financiare.

Sipas hartuesve, drafti synon te garantoje dhe te siguroje nga ana financiare, prokuroret dhe gjyqtaret per t’i bere imun ndaj ndikimeve dhe praktikave korruptive.

Paga mujore referuese per funksionet gjyqesore dhe te prokurorise do te jete mesatarja e pages mujore baze te punonjesve te sherbimit civil ne pozicionin e Sekretarit te Pergjithshe (I-a) dhe pozicionin e Drejtorit te Pergjithshem (II-a) sipas percaktimeve te vendimit te Keshillit te Ministrave.

Eshte parashikuar gjithashtu nje shtese per çdo grup page. Shtesa do te jete shuma qe rezulton nga shumezimi i pages referuese me koeficientin ne perqindje sipas funksionit qe magjistrati ushtron.

Konkretisht, per grupin e pare parashikohet 150%, grupi i dyte 158% dhe grupi i trete 166%.

Pra, nese mesatarja e pages baze mujore te sekretarit te pergjithshem dhe drejtorit te pergjithshem eshte 1 mije euro, grupi i pare i prokuroreve dhe gjyqtareve do ta kete pagen 1500 euro. Po ashtu, paga shtohet me 8% per cdo kater vjet te plota te ushtrimit te funksionit si dhe 5% te pages fillestare per çdo femije deri në moshen 18 vjeç.