Reforma në drejtësi, Rama: Më 21 korrik vendoset fati i një gjenerate

Duke folur në Kongresin e PBDNJ-së, Kryeministri foli edhe për reformën në drejtësi, për të cilën tha se ka negociuar duke propozuar formula të ndryshme që garantojnë proporcionalitet por jo vende të rezervuara. Rama theksoi se më 21 korrik do të përcaktohet fati i një gjenerate:

“E vërteta është se më 21 korrik përcaktohet fati jo i një reforme të zakonshme, por i një gjenerate. Kush thotë diçka tjetër ka arsye tjetër. Të mos votosh për t’i detyruar partitë të bëjnë një hap mbrapa, në fund të fundit në monitorohemi nga BE për çdo gjë, sepse po pranojmë të hyjmë në një familje. S’mund të themi që jemi sovranë e veprojmë me kokën tonë”.

Kreu i qeverisë theksoi se nëse duam një proces gjyqësor real, atëherë gjyqtarët dhe prokurorët duhet të futen në skaner. Partia Demokratike po shqetësohet për politikanët, duke mos menduar fare për drejtësinë që duan shqiptarët. Rama shtoi më tej se dëgjojmë Bashën çdo ditë 88, 88, 88. Nenin 88 të Venecias e lexojnë të gjithë njësoj vetëm PD e lexon ndryshe.

Ky sistem dretësie është i kapur nga politika dhe kështu nuk funksionon tha Rama duke akuzuar gjyqtarët dhe prokurorët se po bëjnë tregti me drejtësin. Nuk mundet të ndahen gjyqtarët dhe prokurorët në parcela prandaj ska anje me mënd që refuzon reformën.  Ka gjykatës në Shqipëri që kanë deklaruar 18 shtëpi. Nuk ka mëndje të arsyeshme që refuzon drejtësinë.