Politika
Reforma zgjedhore Mediu: Të domosdoshme listat e hapura dhe numërimi elektronik
Fatmir Mediu, kryetar i Partisë Republikane deklaroi nga Shkodra se zgjedhjet e lira janë prioriteti i opozitës. Ai këmbëngul që reforma zgjedhore të përfshijë dhe listat e hapura dhe numërimin elektronik të votave.
Kryerepublikani Fatmir Mediu ka nisur takimet me struktirat në rrethe. Sipas materialit te shpërndarë për median nga forca e tij politike Mediu deklaroi në Shkodër mbi gjendjen e rende ekonomike dhe politike ne vend.
“Shteti i pretenduar ligjor është zëvendësuar me krimin e lidhur me pushtetin që gjobit biznesin, reformat janë vetëm koncensione me paratë publike për përfitime korruptive. Largimi i bizneseve dhe kapitaleve dhe mungesa e klimës për investime janë alarm për Shqipërinë” theksoi zoti Mediu gjate ketij takimi.
Mediu tha se e djathta ka si qëllim kryesor garantimin e zgjedhjeve të lira dhe të ndershme dhe qeverisjen e vendit me një platformë që i jep zgjidhje krizës.
“Bashkëpunimi me biznesin, rininë, të përndjekurit dhe pronarët janë rruga e suksesit të opozitës. Qeveria e pazareve PS-LSI apo prishja e pazareve të tyre nuk mund të jenë shpresa e së djathtës.
Reforma zgjedhore dhe vetëm reforma zgjedhore, garantimi i zgjedhjeve të lira dhe të ndershme është detyra Nr.1 e opozitës, prandaj nuk mund të humbasim asnjë çast për të garantuar votën e lire nëpërmjet votimit dhe numërimit elektronik si dhe t’i japim të drejtën votuesve të gjykojnë me votë se kush duhet të jetë deputet në Kuvend”.
Sfida e republikanëve është që të fitojnë një deputet në qarkun e Shkodrës
