Reshjet e dëborës, vështirësi për mjetet e tonazhit të rëndë në Kapshticë dhe Qafë Thanë

Dogana shqiptare informoi sot se për shkak të reshjeve të dëborës është krijuar vështirësi për mjetet, sidomos ato të tonazhit të rëndë, në degët doganore të Kapshticës dhe Qafën e Thanës.

Sipas Doganës, strukturat doganore në këto pika janë në shërbim të pandërprerë për qytetarët dhe bizneset, si dhe po bashkëpunojnë me të gjitha strukturat e tjera ligjzbatuese për lehtësimin e kësaj situate.

Gjatë natës dhe në orët e para të mëngjesit të sotëm vendi ynë është përfshirë nga reshje shiu dhe dëbore në zonat malore dhe juglindore.