Rexhep Qosja: PS-së i duhen Gjinushi, Milo e aleatët e tjerë të lënë mënjanë
Akademiku i njohur, Rexhep Qosja, thotë se e përshëndet hapjen e PS-së për koalicion edhe me parti të djathta.
Por, ai thotë se PS nuk duhet të jetë indiferente ndaj Paskal Milos, Skënder Gjinushit e aletatëve të tjerë të saj, të cilët i ka anashkaluar.
“Nuk kam mirëkuptim ndaj sjelljes indiferente dhe të papranuar për mua të Partisë Socialiste ndaj të majtëve si Skënder Gjinushi e Paskal Milo.
Ata me dijet e tyre, me përvojën e tyre politike, me aftësitë e tyre, mund të jenë të dobishëm për koalicionin e Partisë Socialiste.
PS nuk duhet të ketë droje për identitetin dhe integritetin e fortë politik të Paskal Milos, Skënder Gjinushit e disa të tjerë.
PS s’duhet të frikësohet prej rolit të tyre politik, siç është frikësuar Partia Demokratike e Kosovës ndaj Adem Demaçit e Rexhep Qosjes”, thotë ai për “GSH”.
