Rikthehet horrori i ‘The Ring’

Paramount Pictures ka njoftuar se do të rikthejë edhe një herë tjetër sagën e horrorit ‘The Ring’ me filmin e tretë që do ketë titullin ‘Rings’.

Filmi i parë i sagës, i cili është shfaqur në vitin 2002, ka pasur një sukses të jashtëzakonshëm me 250 milionë $ të grumbulluara në “box office”. ‘The Ring’ kishte si protagoniste aktoren Naomi Watts dhe tregonte historinë e një gazetareje e cila përndiqej nga një videokasetë e mallkuar.

Naomi ishte protagoniste edhe në filmin e dytë, por që nuk arriti suksesin e të parit.

Filmi i tretë do të ketë regjinë e spanjollit F. Javier Gutierrez dhe do të ketë si protagoniste aktoren italiane Matilda Lutz.

Filmi ‘Rings’ do të shfaqet për herë të parë në 13 nëntor të këtij viti.