Roli i Shqipërisë në NATO/ Ambasada e SHBA-së takim me nxënësit në Durrës

Ambasada e SHBA-së në Tiranë ka zhvilluar sot një takim me nxënësit e shkollave të mesme në Durrës për të diskutuar rreth rolit të Shqipërisë në NATO.

“Për të shënuar përvjetorin e 10-të të Anëtarësimit të Shqipërisë në NATO, Atasheu i Mbrojtjes i SHBA Jimmy Hilton; Atasheu i Mbrojtjes i Polonisë Tomasz Koperwas; dhe Koordinatori në Kabinetin e Shefit të Shtabit të Përgjithshëm Fisnik Shtini, u takuan me nxënësit e pesë shkollave të mesme në Durrës, për të diskutuar mbi rolin e Shqipërisë në NATO dhe rëndësinë e Aleancës”, shprehet ambasada e SHBA-së.

Po ashtu, ambasada shprehet se “Pas një kuici interaktiv rreth NATO-s, nxënësit i bënë pyetje panelit rreth punës se tyre në ushtri dhe sfidat me të cilat përballen teksa i shërbejnë vendeve të tyre dhe Aleancës”