Rrëzohet një avion ushtarak në Pakistan, dy pilotë të vdekur

Një avion stërvitor ushtarak pakistanez u rrëzua të hënë në Pakistanin jugperëndimor, duke vrarë të dy pilotët.

Ushtria tha se rrëzimi i avionit PAC MFI-17 Mushshak, pranë qytetit Nawan Qili në provincën Balochistan ndodhi pas një defekti teknik por pa dhënë detaje të mëtejshme.

Presidenti Asif Ali Zardari dhe kryeministri Shehbaz Sharif u shprehën ngushëllimet e tyre familjeve të pilotëve.

Edhe pse rrëzimet e aeroplanëve gjatë fluturimeve stërvitore janë relativisht të zakonshme në Pakistan, autoritetet rrallë publikojnë detaje rreth shkaqeve dhe raportet e hetimit të aksidenteve nuk bëhen publike.

Në qershor, një aeroplan i forcave ajrore u rrëzua gjatë një fluturimi rutinë stërvitor në Pakistanin veriperëndimor, duke vrarë të dy pilotët.