“RTSH Tani” sjell rrjetin RTSH në telefonat e zgjuar

RTSH vazhdon përpjekjet e tij për të përcjellë tek dëgjuesit dhe shikuesit mundësitë që ofron teknologjia bashkëkohore e informimit. Së fundi nëpërmjet një aplikacioni të ri “RTSH Tani” që mund të gjendet në Google Play apo App Store, kushdo që ka telefona të quajtur “të zgjuar” mund të ndjeki kanalet televizive të paketës së RTSH. Ato janë RTSH1HD, RTSH2HD, RTSH3HD, RTSH SPORT, RTSH MUZIKE, RTSH FILM, RTSH SHQIP, TV KORÇA, RTK1 dhe RTK3. Ato sillen me një cilësi të lartë shikimi, sëbashku edhe me programet përkatëse ditore.