Rubio: Çdo marrëveshje me Iranin do të sigurojë sigurinë e aleatëve të Gjirit

Sekretari i Shtetit i SHBA-së, Marco Rubio u tha aleatëve të Gjirit të enjten se çdo marrëveshje me Iranin do të merrte parasysh interesat e tyre, ndërsa përfundoi një udhëtim në Lindjen e Mesme.

Duke folur në një takim të ministrave të jashtëm dhe zyrtarëve të Gjirit Arab në Bahrein, Rubio tha se Uashingtoni po kërkonte një paqe të qëndrueshme me armikun e hershëm, Iranin, që nuk do të dëmtonte sigurinë dhe prosperitetin e aleatëve të saj në rajonin e pasur me naftë, të cilët kanë frikë se marrëveshja është shumë e butë ndaj Iranit pasi i sulmoi ata.

Irani luftoi dy nga ushtritë më të fuqishme në botë. SHBA-në dhe Izraelin -gjatë konfliktit dhe mori kontrollin efektiv të Ngushticës jetësore të Hormuzit, duke ndërprerë rëndë rrjedhat e naftës dhe duke tronditur tregjet globale të energjisë dhe ekonominë në përgjithësi.

“Realiteti është se asnjë vend në Tokë nuk ka të drejtë të vendosë tarifa për përdorimin e rrugëve ujore ndërkombëtare. Dhe kjo nuk do të jetë kurrë një kusht i pranueshëm për asnjë marrëveshje. Presidenti ka qenë thelbësisht i qartë për këtë”, tha Rubio.

Ministri i Jashtëm i Bahreinit, Abdullatif bin Rashid Al Zayani i cili kryesoi takimin, përshëndeti njoftimin e Omanit për një korridor për kalimin e sigurt të anijeve nëpër ngushticë.