Sarandë/ AKU gjobit subjektet që tregtonin produkte jashtë kritereve

Autoriteti Kombëtar i Ushqimit (AKU) ka gjobitur të martën në qytetin e Sarandës, disa subjekte që tregtonin produkte shtazore jashtë kritereve të sigurisë ushqimore, kryesisht pa vulë veterinare.

AKU, përmes një njoftimi për shtyp, bëri të ditur sot, se gjobat erdhën gjatë kontrolleve në pikat e tregtimit me shumicë e pakicë në qytetin jugor të Sarandës, ndërsa është bërë edhe sekuestrimi i këtyre produkteve.

Aksioni i AKU-së, në Sarandë, pritet të vijoj edhe në ditët e ardhshme, ndërsa kontrollet  do të përqendrohen tek data e skadencës se produkteve ushqimore  të amballazhuara.