Seanca e radhës për “Ballistin” në Gjykatën e Apelit

Gjykata e Apelit zhvilloi seancën për kërkesën e ndryshimit të masës së sigurisë “arrest me burg” për “Ballist” Morinën. Prokuroria paraqiti prova të reja ndaj autorit të ngritjes së dronit në stadiumin e Beogradit, ndërkohë që avokati i Morinës kërkoi kohë për t’u njohur me aktet e paraqitura nga prokuroria.

“Ballisti” u arrestua një ditë para ndeshjes Shqipëri-Serbi, pas raportimit nga një qytetar në sallën operative se në automjetin ku ai udhëtonte gjendeshin armë.

Gjykata e Tiranës shpalli arrest me burg për të, ndërkohë që për tre shokët të cilët kishin dijeni për armët e Morinës, u deklarua masa e detyrimit me paraqitje.