Sekuestrohen municione, arrestohet 53-vjecari

 Sektori për Narkotikët dhe Trafiqet në Drejtorinë e Policisë së Elbasanit, në bashkëpunim me Policinë Ushtarake të Uzinës së Mjekësit, kane arrestuar në flagrancë 53- vjeçarin Fatmir Zaim Lushaj, me detyrë supervizor në Uzinën e Mjekësit.

53 vjeçarit, i lindur në Vlorë dhe banues në lagjen “Luigj Gurakuqi” të qytetit të Elbasanit, i jane gjetur dhe sekuestruar në banesën e tij 1200 copë kapsolla plasëse detonatore elektrike e 600 copë kapsolla plasëse detonatore me fitil.

Materialet në ngarkim të ketij shtetasi i kanë kaluar Prokurorisë së Rrethit Gjyqësor Elbasan, pasi ndaj tij rëndojnë akuzat “Trafikimi i lëndëve plasëse dhe eksplozivëve”, “Mbajtje pa leje e armëve luftarake dhe municioneve” si dhe “Vjedhja e kryer duke shpërdoruar detyrën”.