Senatorja amerikane Shaheen: Rusia e sheh Ballkanin Perëndimor si “front të dytë” potencial, Serbinë si “stacion kalimi”

Senatorja demokrate amerikane Jeanne Shaheen ka deklaruar se Rusia ka interes në destabilizimin e Ballkanit Perëndimor, të cilin Moska e sheh si një “front të dytë” potencial në përballjen me Perëndimin. Në një intervistë për Radion Evropa e Lirë (RSE), të dhënë të enjten, Shaheen tha se në këtë kontekst Serbia shihet si një lloj “stacioni kalimi” (usputna stanica) për aktivitetet ruse në rajon.

Shaheen, demokratja me pozitën më të lartë në Komitetin e Senatit për Marrëdhëniet me Jashtë dhe bashkëkryetare e Grupit të Vëzhgimit të Senatit për NATO-n, tha se Shtetet e Bashkuara duhet të sigurohen që Rusia ta kuptojë se forcat amerikane në rajon janë në gatishmëri të lartë dhe po monitorojnë me vëmendje zhvillimet. Ajo vuri në dukje se forcat e NATO-s në Kosovë dhe misioni i EUFOR-it në Bosnje e Hercegovinë janë në gatishmëri të lartë.

Duke folur për shqetësimet mbi paqëndrueshmërinë e mundshme që përfshin Kosovën, Serbinë dhe Bosnje e Hercegovinën, senatorja përmendi lidhjen midis Serbisë dhe serbëve të Republikës Srpska me Rusinë. Ajo shtoi gjithashtu se Serbia ka shërbyer si pikë kalimi për rusët gjatë një sulmi në Leipzig, pas të cilit ata u kthyen në Serbi.

Shaheen theksoi rëndësinë e përballjes me luftën hibride ruse kudo që të jetë e mundur, në interes të Amerikës dhe të aleatëve të saj evropianë.

Burimi: Autonomija (RSE)