Rajoni
Serbi, rritet në 41 numri i rasteve me COVID-19
Janë konfirmuar gjashtë raste të reja të të prekurve nga koronavirusi në Serbi.
Gjithsej 41 raste të të prekurve nga koronavirusi i ri (COVID-19) janë konfirmuar deri më tani në Serbi, raporton Anadolu Agency (AA).
Së fundmi janë testuar 17 persona, prej të cilëve gjashtë kanë rezultuar pozitivë dhe 11 negativë ndaj koronavirusit.
Sipas një raporti nga Ministria e Shëndetësisë, katër nga gjashtë personat e infektuar së fundmi janë në izolim në shtëpi dhe janë në gjendje të qëndrueshme, ndërsa dy janë mbajtur në spital, por edhe ata janë pa komplikime dhe në gjendje kryesisht të qëndrueshme.
Deri më tani, në Serbi janë testuar në total 256 persona.
