Serbia e di se normalizimi me Kosovën është kushti i BE-së

Serbia është shumë e vetëdijshme se normalizimi i marrëdhënieve me Kosovën është çështja vendimtare politike dhe moment shumë i rëndësishëm që do të përcaktojë kur do të ndodhë hapja e kapitujve të parë në negociata me BE-në, ka thënë shefja e ekipit negociues serb me BE-në, Tanja Mishçeviq. “Këtë fuqi, sikur dhe normalizimi, e kanë edhe dy kapituj e mëdhenj të sundimit të ligjit, kapituj 23 e 24”, ka thënë Mishçeviq për televizionin N1. Në pyetjen për vazhdimin e dialogut me Kosovën më 23 qershor dhe rëndësinë e hapjes së kapitujve të parë në negociatat me BE-në, transmeton Koha.net, Mishqeviq thotë se korniza kohore se kur do të hapej kapituj është e rëndësishme dhe se çdo dialog politik në nivelin më të lartë që organizohet në Bruksel është një plus për rrugën evropiane të Serbisë. E pyetur në është reale ajo që deklaroi ministri serb i Jashtëm Ivica Daçiq se bisedimet do të përfundojnë në vitin 2018 e se Serbia anëtare e BE-së do të bëhet në vitin 2020, Mishqeviq ka thënë se kjo ka qenë udhërrëfyese e strategji që nga fillimi.