Sezoni turistik, fluks hyrjesh në doganën e Morinës

E shtuna ka shënuar një fluks të madh lëvizjesh në doganën e Morinës të shtetasve kosovarë dhe atyre maqedonas që i janë drejtuar bregdetit shqiptar.

Që në orën 2 të mëngjesit mijëra automjete dhe mbi 100 autobusë kaluan përmes kësaj pike doganore. Burime të policisë kufitare bëjnë të ditur se mbi 20 mijë pushues kanë kaluar kufirin deri në orën 7 të mëngjesit.

Nga ana e efektivëve janë marrë të gjitha masat për të mos u krijuar radhë të gjata pritjeje për të gjithë këta shtetas, që destinacion kryesor kanë plazhin e Shëngjinit.

Muaji qershor numëroi më shumë se 500 mijë persona që kaluan nëpërmjet doganës së Morinës për në Shqipëri.