Shantazh me foto intime të dashurës, arrestohet 35-vjeçari
Një 35-vjeçar është arrestuar pasi i ka bërë shantazh me foto intime të dashurës së tij. Në kuadër të operacionit “Shantazhi”, policia ka vënë në pranga shtetasin Mentor Leçini, banues në Kavajë, i dënuar për veprën penale “Vjedhje me pasojë vdekjen, në bashkëpunim”.
Ky shtetas, ka përfituar gjatë kohës që ka qenë në një lidhje intime me shtetasen R.K., 17 vjeçe, të cilës i ka bërë disa foto intime dhe gjatë kohës që ndodhej në banesën e saj, ai ka arritur të sigurojë dhe foto intime të pjesëtarëve të tjerë të familjarëve të shtetases R.K.
Prej disa javësh, shtetasi Mentor Leçini ka kërcënuar vëllain e shtetases R.K, se nëse nuk i dorëzonte shumën monetare prej 200.000 lekësh të reja, do publikonte fotot intime që ai kishte arritur të bënte.
Në momentin e arrestimit të shtetasit të dyshuarit i janë gjetur dhe sekuestruar në cilësinë e provës materiale:
– Shuma monetare prej 100.000 Lekë të reja
– Një aparat telefonik
Të dhënë nga vëllai i 17-vjeçares, për mos publikimin e fotove.
Materialet proceduriale i kaluan Prokurorisë pranë Gjykatë së Rrethit Kavajë, për veprën penale “Shtrëngimi me anë të kanosjes ose dhunës për dhënien e pasurisë”.
