SHBA akuzon Rusinë për ‘shkatërrim të rendit ndërkombëtar’
Sekretari i mbrojtjes i Shteteve të Bashkuara, Ash Carter, me fjalë të ashpra e ka akuzuar Rusinë se ka “ambicje të qarta për shkatërrimin e rendit parimorndërkombëtar”.
Këto komente zoti Carter i ka bërë sot gjatë një fjalimi në Universitetin Oksford në Angli.
Ai u tha studentëve se Rusia është angazhuar “në sjellje joprofesionale” në Ukrainë, Siri dhe hapësirën kibernetike, dhe se Moska, po ashtu, po kryen “frikësim” atomik.
“Ne nuk synojmë që ta kemi armik Rusinë. Por mos gaboni: ne do t’i mbrojmë aleatët tanë, rregullin parimor ndërkombëtar dhe sigurimin e të ardhmes pozitive për të gjithë ne”, tha Carter, transmeton REL.
Mëtutje, ai theksoi se “ne do t’i kundrshtojmë përpjekjet për shkatërrimin e sigurisë tonë kolektive” dhe ka shtuar se “ne nuk do t’i injorojmë përpjekjet për ndërhyrje në proceset tona demokratike”.
Sekretari amerikan i mbrojtjes, Ash Carter, tha se Shtetet e Bashkuara dhe Rusia kanë bërë progres në bashkëpunim pas Luftës së Ftohtë, por tash Rusia “duket se po udhëhiqet nga ambicjet e gabueshme”.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.