SHBA e gatshme të reagojë kundër Shtetit Islamik në Siri në rast kërcënimi

SHBA u shpreh e gatshme për të reaguar në rast të ndonjë sulmi kundër Amerikës, sipas Shtëpisë së Bardhë, që theksoi se ka studiuar seriozisht lëshimin e raketave ushtarake kundër xhihadistëve të Shtetit Islamik në Siri, njoftoi sot ”Wall Street Journal”.

Duke paralajmëruar kundër rrezikut të Shtetit Islamik, Pentagoni konsideron që operacionet në Siri mund të jenë të nevojshme, pasi goditjet ajrore të këtyre javëve ët fundit kanë frenuar progresin e grupit militant sunit në Irak dhe perëndimi është i tronditur pas ekzekutimit të gazetarit amerikan, James Foley.
Dje, Shtëpia e BArdhë deklaroi se goditjet ajrore në Siri mund të ishin të nevojshme.
“Nëse ne vërejmë një komplot kundës amerikanëve, një kërcënim për SHBA-nëqë vjen nuk ka rëndësi se ku, ne jemi të gatshëm të marrim masa kundër këtij kërcënimi”, deklaroi zëvendëskëshilltari për sigurinë kombëtare i presidentit amerikan, Ben Rhodes, cituar nga e përditshmja.
Bilanci i luftës civile në Siri, që ka përfshirë vendin që prej tre vjetëssh, është dyfishuar në një vit dhe ka arritur në 190 000 të vdekur, sipas OKB-së