SHBA vendosin sanksione të reja ndaj rrjetit që kontrabandonte gaz të lëngshëm nafte iraniane

Shtetet e Bashkuara të Amerikës kanë njoftuar të premten vendosjen e sanksioneve të reja ndaj një rrjeti individësh, subjektesh dhe anijesh cisternë të akuzuar për kontrabandë të gazit të lëngshëm të naftës (LPG) me origjinë iraniane, i cili ishte maskuar si LPG nga Omani dhe transportohej drejt Azisë Jugore dhe Lindore.

Sipas Departamenti i Thesarit i SHBA-së dhe Zyrës së Kontrollit të Aseteve të Huaja (OFAC), rrjeti kishte përdorur kompani fasade në Emiratet e Bashkuara Arabe dhe Kinë, si dhe llogari bankare të huaja dhe një flotë anijesh në hije për të transportuar miliona fuçi LPG iraniane, duke fshehur origjinën e saj dhe duke shmangur sanksionet amerikane.

Autoritetet amerikane bënë të ditur se masa përfshin gjithashtu sanksione ndaj një rrjeti iranian të këmbimit valutor dhe drejtuesve të tij, të akuzuar për lëvizjen e qindra miliona dollarëve në emër të bankave të sanksionuara iraniane.

Sekretari i Thesarit, Scott Bessent, deklaroi se Shtetet e Bashkuara do të vazhdojnë të godasin rrjetet financiare dhe të transportit që ndihmojnë Iranin të shmangë sanksionet ndërkombëtare.