Shefi i NATO-s e paralajmëron Donald Trumpin
Sekretari Gjeneral i NATO-s, Jens Stoltenberg, e ka paralajmëruar presidentin e sapo zgjedhur amerikan, Donald Trump, se nuk është një opsion as për Evropën e as për Amerikën që të kujdesen për sigurinë vetëm, pa ndihmën e njëra-tjetrës.
Ai shtoi se Perëndimi është duke u përballur me sfidën më të madhe të sigurisë në 20 – 25 vitet e fundit, transmeton Express.
Nërkohë, gjatë fushatës zgjedhore, Trump e përshkroi si të vjetruar aleancën ushtarake të Perëndimit, NATO-n.
Madje, ai kishte sugjeruar se SHBA-ja do të mendonte dy herë nëse do ta ndihmonte ndonjë aleat të NATO-s, në rast se ai aleat do të sulmohej, pa paguar shumën që do të duhej ta paguante në aleancë.
Në një shkrim për gazetën britanike “Observer”, Stoltenberg e pranoi se Trump e kishte më vend për nevojën që disa anëtare të NATO-s të bëjnë kontribut më të madh financiar në aleancë, pasi që aktualisht gati 70% e shpenzimeve të NATO-s janë financim i SHBA-së.
Por, ai shtoi se liderët amerikanë gjithmonë se kanë ditur se kanë interes të madh strategjik në një Evropë të sigurt dhe të qëndrueshme.
“Nuk është opsion as për Evropën e as për SHBA-në që t’i bëjnë gjerat vetë [sigurinë]. Përballemi më sfidën më të madhe të sigurinë në 20 -25 vitet e fundit. Tani s’është koha për ta vënë në pikëpyetje vlerën e partneritetit mes Evropës dhe Amerikës,” ka thënë ai.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.