Shërbimi zjarrfikës Shqiptar , stacioni i ri në Himarë

Që nga sot Himara do të ketë shërbimin e më të ri për pushuesit por edhe për banorët e saj. Një stacion i ri zjarrfikës, që do të shërbejë për rritjen e sigurisë publike jo vetëm të pushuesve apo turistëve gjatë stinës së verës, por edhe për gjithë komunitetin në 12 muajt e vitit ka filluar nga funksionimi e synon mbrojtjen dhe sigurinë e personave dhe integritetin e pronës, duke siguruar masat teknike të specializuara.
Kjo zonë nga Llogaraja deri në Lukovë, ishte një territor i pambuluar me shërbim të afërt zjarrfikës. Në stacion janë në gadishmëri 3 mjete zjarrfikëse, si dhe një personel i kompletuar me pajisje dhe eksperiencën e mjaftueshme.
Në ceremoninë e përurimit të stacionit morën pjesë Sekretari i Përgjithshëm i Ministrisë së Punëve të Brendshme Genc Gjonçaj, Kryetari i Bashkisë Himarë Gjergji Goro, Drejtori i Përgjithshëm i Shërbimit Zjarrfikës Alfred Kristuli, Drejtuesi i pikës portuale në Himarë si dhe përfaqësues të pushtetit lokal.