Shfrytëzonte të mitura për prostitucion, pranga 37-vjeçarit

Një person është arrestuar këtë të enjte në qytetin e Durrësit, pasi shfrytëzonte për prostitucion tre vajza të mitura.

Në pranga ka rënë shtetasi Gentian Gaxha, 37 vjeç, i cili shfrytëzonte 3 vajza 17-vjeçare.

Materialet hetimore të siguruara nga policia i kanë kaluar tashmë prokurorisë së rrethit për procedim të mëtejshëm të çështjes.